وہ عادتیں جو آپ کو لوگوں میں اچھا بنادینگی effective habits in urdu

وہ عادتیں جو آپ کو لوگوں میں اچھا بنادینگی effective habits in urdu

            یہ عادتیں آپ کو پراثربنادینگی۔یہ عادتیں ان افراد میں دیکھی گئی ہیں جو کامیاب ہوا ہے۔ اور جو کامیاب ہونا چاہتا ہے اس کو بھی یہ عادتیں اپنانی چاہئیں اس لئے نہیں کہ آپ صرف کامیاب ہوں۔ بلکہ اس لئے بھی کہ آپ اچھے انسان اور معاشرے کے اچھے شہری کہلائیں۔

فعال رہیں   active person

             دیکھو یار اس دنیا میں آپ کو دو طرح کے لوگ ملینگے۔ ایک وہ جو منفی  ردعمل والے ہوتے ہیں۔ دوسرے جو مثبت اور فعال ہوتے ہیں۔ اب جو منفی ردعمل والے ہوتے ہیں وہ اپنی ناکامی کسی نا کسی طرح دوسروں پر ڈال دیتے ہیں۔ لیکن پھر بھی نا خوش رہتے ہیں۔ مثلا اگر وہ امتحان میں فیل ہوجائیں تو ان کا کہنا کچھ اس طرح سے ہوگا۔ لائٹ نہیں تھی گھر میں میرا الگ کمرہ نہیں تھا۔ یا امی نے مجھ سے گھر کے کام کاج کروائیں ہیں۔ وغیرہ

             اس کے مقابلے میں مثبت سوچ والے اپنی ذمہ داری خود پر ہی رکھتے ہیں۔ وہ اگر کسی کام میں ناکام ہوجاتے ہیں تو یہ نہیں کہتے کہ میں اس وجہ سے ناکام ہوا۔ بلکہ یہ سوچتے ہیں کہ میں نے کہاں غلطی کی ہے جو مجھے سدھارنا چاہئے۔ وہ ہمیشہ اپنی غلطیوں اور کوتاہیوں کو سدھارنے میں لگے رہتے ہیں۔ اور میرا مقصد آپ کو ان ہی جیسا بنانا ہے۔ کیونکہ یہ لوگ کبھی نہ کبھی کامیاب ضرور ہوتے ہیں۔ جبکہ دوسری طرح کے لوگ کامیابی کو بس سوچ سکتے ہیں۔

کام کو اس کے حساب سے مینیج کرنا

             آپ کو اپنے ذہن کو ایسے ترتیب دینا ہے کہ وہ کام کو انکے سہی وقت پر کرنے کے حساب سے فعال رہے۔ مثلا کون سا کام  سب سے پہلے کرنے کا ہے کون سا ایک دو دن کے اندر اور کون سے کام کو لمبے عرصے کے بعد بھی کیا جاسکتا ہے۔ جب آپ یہ چیز سیکھ لیتے ہیں تو آپ کو ٹائم مینیج کرنے میں بہت آسانی ہوجاتی ہے۔ پھر آپ کم وقت میں زیادہ کام کرسکتے ہیں۔ان کاموں کو ایک چارٹ سے سمجھ لیتے ہیں۔

ضروری اور اہم

یہ وہ کام ہیں جو اہم بھی ہیں اور ضروری بھی ہیں۔ جن کو نہ کرنے سے آپ کو معاشی یا گھریلو نقصان ہوسکتا ہے۔

غیر   ضروری

یہ وہ کام ہیں جو کرنے ہیں لیکن آپ ان کو کسی وقت میں کرسکتے ہو۔ جیسے گھر والوں کے ساتھ کہیں باہر جانا یا شاپنگ کرنا وغیرہ

غیر اہم  لیکن ضروری

یہ وہ کام ہیں جو اہم نہیں ہیں لیکن پھر بھی آپ ان کو وقت پر کرتے ہو جیسے ڈرامہ دیکھنا جو اپنے ٹائم پر آتا ہے وغیرہ

غیر اہم غیر ضروری

یہ وہ کام ہیں جو صرف وقت کی بربادی ہیں جیسے جیس بک پر گھنٹوں وقت گزارنا یا گھنٹوں ٹی وی دیکھنا۔

              ان کاموں میں سے پہلے دو کاموں کو وقت دیں اور آکری دو طرح کے کاموں کو بہت ہی کم وقت دیں یا نہ دیں۔ کیونکہ یہ آپ کو کامیابی سے دور اور وقت کو برباد کرتے ہیں۔

کامیاب تو ہوجاتے ہیں لیکن خوشی؟

اپنی رائے کی اہمیت

جیت کا سوچو

             دیکھو یار ہار جیت صرف کھیلوں میں سوچو لیکن اصلی زندگی میں کسی کی ہار نہیں بلکہ بس اپنی جیت سوچو اور ہوسکے تو دوسروں کی بھی کیونکہ وہ بھی اپنے گھر والوں کیلئے محنت کررہا ہے آپکی طرح تو اگر آپ اس کی ہار اور اپنی جیت سوچو گے تو  کچھ خود غرض اور منفی ہوجاؤگے۔ یہ اچھی چیز نہیں ہے کیونکہ اصلی زندگی میں کسی کی ہار نہیں بلکہ سب کی جیت ہے لیکن محنت شرط ہے۔

پہلے سامنے والے کو سمجھو پھر اپنی سمجھاؤ

            یہاں چاہے کاروباری مسٔلہ ہو یا گھر کا مسٔلہ ہو ہر کوئی بس اپنی سنانا چاہتا ہے۔ اپنے آپ کو بلکل درست سمجھتا ہے حالانکہ ایسا نہیں ہے۔ کامیاب لوگوں نے یہ عادت اپنائی ہوتی ہے کہ پہلے وہ سامنے والے کو بولنے کا موقع دیتے ہیں۔ ان کی سمجھنے کے بعد اپنی سمجھانے کی کوشش کرتے ہیں۔ 

             گھروں میں بھی اکثر اسی وجہ سے بات بگڑتی ہے کہ نہ وہ آپ کی اور نہ آپ ان کی سننے کو تیار ہوتے ہیں۔ اگر آپ خاموش ہوکر پہلے سامنے والے کی سن لیں تو ایک تو آپ بڑے بن جاتے ہیں اور پھر اپنی بات کو زیادہ اچھے سے سمجھا پاتے ہیں۔ اور دوسرا بھی اپنی بات کہہ کر تھوڑا ٹھنڈا پڑ چکا ہوتا ہے اور آپ کی بات بھی سن لیتا ہے۔

اتحاد بناکر رکھنا

             کامیاب لوگ اتحاد بناکر رکھتے ہیں وہ کبھی اپنے آپ کو اکیلا نہیں کرتے یا جماعت سے علیحدہ نہیں ہوتے کیونکہ وہ جانتے ہیں کہ اتحاد میں برکت ہے اور اس سے بہت سے کام نکلتے ہیں۔ ویسے بھی آپ نے وہ کہاوت سنی ہوگی کہ ایک اور ایک گیارہ ہوتے ہیں۔

 

اپنی ذات میں خوبیاں بڑھائیں apni zaat mein khubi barhain

اپنی ذات میں خوبیاں بڑھائیں apni zaat mein khubi barhain

            دوستو آپ اپنی ذات میں خوبیاں بڑھائیں اپنے کھاتے میں خوبیاں جمع کریں جیسے پیسے جمع کرتے ہیں۔ اس کا رزلٹ بہت اچھا ہوگا آپ کیلئے۔ یہ خود ہی آپ کو بڑا بنادینگی اور آپ کو پتہ ہی نہیں چلیگا۔ گھر جب بنتا ہے جب اس میں اینٹیں وغیرہ لگائی جاتی ہیں لیکن اگر اینٹیں غیر معیاری لگادیں تو۔۔۔ اچھا خوبصورت گھر بنانے کیلئے اچھی اینٹیں اور معیاری سازوسامان چاہئے۔ یہی اصول آپ اپنے اوپر لاگو کرلیں تو کام آسان ہے ۔

             بزرگ کہتے ہیں کہ کتا پالنا بلی پالنا یا شیر کا بچہ پالنا آسان ہے۔ لیکن ایک اچھا انسان بننا دنیا کا مشکل کام ہے۔ اور اس سے زیادہ مشکل اس اچھی خوبیوں پر جمے رہنا ہے۔ یار آپ یہ سب کرسکتے ہیں اگر کوشش کریں بار بار کریں سو دفعہ ناکام ہوں لیکن اچھی بات کا اپنانا نہ چھوڑیں۔ نماز اگر آپ شروع کرتے ہیں تو بس گرتے پڑتے ہی سہی لیکن پکڑ کر رکھیں ایک وقت میں وہ خود آپ کو مستقل نمازی بنادیگی۔ 

اپنی بات سمجھانا سیکھیں

لوگوں سے کام نکلوانا

علم کس کا ہے؟

            ایک اور اہم بات کے آپ سچ،اخلاق،نماز،حیا شرم،صبح جلدی اٹھنا اور دوسری اچھی خوبیاں جب اپناؤگے جب آپ کا ان سب پر ایمان اور یقین پکا ہوگا کہ یہ مجھے لازمی فائدہ دینگی۔ اگر آپ کا یقین ہی مضبوط نہیں تو عمل خود ہی کمزور پڑجاتا ہے۔اگر آپ کو کوئی کہے کے آگ میں کود جاؤ تو آپ ایسا نہیں کروگے کیونکہ آپ کو یقین ہے کہ یہ غلط ہے اور نقصان دہ ہے۔ اسی طرح اس پر بھی یقین کرلیں کہ یہ سب اچھی خوبیاں ہیں اور فائدہ مند ہیں تو آپ کیلئے اپنانا آسان ہوجائیگا۔

             دیکھیں لوگ جیسے ہیں آپ کو بھی ایسا ہی دیکھنا چاہتے ہیں یہ حقیقت ہے اگر کوئی جھوٹا ہے اسکی سو دلیلیں دیگا کوئی صبح دیر سے اٹھتا ہے اس کی بھی سو دلیل دیگا کہ جلدی اٹھنے کا کیا فائدہ انسان کو اپنے ٹائم سے ہی مرنا ہے؟ اب بتائیں یہ ہے کوئی کرنے والی بات اللہ کے بندوں مرنا اپنے ٹائم سے ہے لیکن اس سے یہ کب ثابت ہوتا ہے کہ اچھی خوبیاں سائیڈ پر ڈال دو ؟ ایسا صرف کمزور ارادے والے کہتے ہیں۔ آپ کو ان سب کی باتوں کو نظر انداز کرکے چلنا ہے۔

لوگوں سے کام نکلوانا   logon se kam nikalwana

لوگوں سے کام نکلوانا   logon se kam nikalwana

              دوستو کبھی آپ کے ساتھ بھی ایسا ہوا ہوگا کہ لوگوں نے آپ سے کوئی کام کروالیا ہو پھر بعد میں آپ کو احساس ہوا ہو کہ یہ مجھے نہیں کرنا چاہئے تھا۔ یا اس کے بدلے پیسے لینے چاہئے تھے؟ لوگ ایسا کیسے کرتے ہیں اور یہ آپ بھی کرسکتے ہیں۔ اس کے کچھ نفسیاتی حربے ہیں جو لوگ استعمال کرتے ہیں۔ جنہیں میں یہاں ذکر کرنا چاہتا ہوں۔

            یہ مضمون دھیان سے پڑھیں تاکہ لوگ آپ کا فائدہ نا اٹھا سکیں اور آپ ان سے ہوشیار رہیں۔ 

کیا آپ میری مدد کرینگے؟

             اگر آپ کو کسی سے کوئی کام کروانا ہو تو آپ یہ نہ کہیں کہ میرا یہ کام کردو۔ کیونکہ اس میں سامنے والے کو اپنی اہمیت کا احساس نہیں ہوتا اور وہ  اس سادہ جملے پر زیادہ متاثر نہیں ہوتا کیونکہ اس میں اس کی انا یا بڑے پن کی تسکین نہیں ہورہی ہے۔بلکہ وہ اس کو حکم بھی سمجھ سکتا ہے جو کسی طرح بھی مناسب نہیں آپ کو اپنا کام نکلوانے کیلئے اس لئے آپ یہ سادہ جملہ نہ استعمال کریں۔

            لیکن جب آپ یہ کہتے ہیں کہ آپ میری اس کام میں مدد کردیینگے؟ تو ان الفاظ میں وہ اپنے بڑے پن کا احساس ڈھونڈلیتا ہے اور اس کی انا کی تسکین ہوتی ہے پھر وہ یہ سمجھتا ہے کے اس طرح وہ آپ کے سامنے اپنے بڑے پن کا احساس برقرار رکھ پائے گا۔ بس اسی وجہ سے وہ آپ کا کام کرنے پر تیار ہوجائیگا۔

بڑا مطالبہ کرنا

            کبھی آپ کو کسی سے کچھ مانگنا پڑجاتا ہے جیسے آپ کو اپنی امی یا ابو سے پیسے نکلوانے ہیں تو ہمیشہ بڑا مطالبہ سامنے رکھیں۔ جیسے آپ کو دس ہزار کی ضرورت ہے تو آپ بیس ہزار کا مطالبہ کریں۔ اس سے فائدہ یہ ہے کہ پھر ان کو آپ اپنی مطلوبہ رقم پر آسانی سے لاسکتے ہیں۔ کہ چلیں بیس نہیں تو دس ہی دیدیں۔

              اس طرح آپ اپنے مطالبے کا ذہن آرام سے بناسکتے ہیں۔ یاد رہے یہ سب ٹرکس ہیں جو آپ کو اپنے حساب سے اچھے کرنی ہیں تب ہی انکا رزلٹ نظر آئیگا۔ اگر ذرا بھی سامنے والے کو شک ہوا تو وہ آپ کا مطالبہ نہیں مانیگا۔

لوگوں سے باتیں یا راز لینا

            یہ تو آپ نے سنا ہوگا کہ جو زیادہ بولتا ہے وہ زیادہ غلطیاں کرتا ہے۔یعنی جب آپ کبھی کسی وجہ سے جذباتی ہوجاتے ہیں یا جوش میں آجاتے ہیں تو وہ باتیں بھی کرجاتے ہیں۔ جو بعد میں آپ کو لگتا ہے کہ نہیں کرنی تھیں۔ دوستو اگر آپ زیادہ بولنے کے عادی ہیں تو اپنی اس عادت پر قابو پائیں کیونکہ آپ کی اس عادت کا آپ کے آس پاس اور دوست احباب بہت فائدہ اٹھاتے ہیں۔

            اب اسی طرح آپ کسی سے اس کی باتیں نکلوانا چاہتے ہیں تو آپ کم بولیں اور اس کو زیادہ بولنے دیں۔ درمیان میں کچھ جملے آپ بھی شامل کریں اور اپنے تاثر بلکل نارمل رکھیں جیسے آپ بہت دلچسپی سے اس کی باتیں سن رہے ہیں۔ وہ جوش میں آپ کے سامنے بہت کچھ بول جائیگا اور اسے شک بھی نہ ہوگا۔ اس کو یہ شک نہ ہونے دیں کہ آپ نے کچھ باتیں اس سے نکلوالی ہیں۔ یہ چیز آپ کو اپنے دوستوں اور کاروباری معاملات پر استعمال کرنی چاہئے ۔  جہاں سے آپ کو کچھ معلومات چاہئیں ہوں۔

کام کا دل نہیں تو دس منٹ کیلئے ہی سہی

             یہ ایک ٹیکنیک ہے جس کی مدد سے آپ اپنے کام کو شروع کرسکتے ہیں۔ جیسے آپ کوئی کام کرنا چاہ رہے ہیں لیکن سستی آرہی ہے۔ تو بس اپنے آپ کو سمجھائیں کہ میں بس دس منٹ کیلئے کرونگا۔ پھر وہ کام کرنا شروع کردیں۔ اب اس سے ہوگا یہ کے جو کام آپ کو بور لگ رہا تھا اب اچھا لگنے لگیگا اور دل ہوگا کہ اس کو پورا کرکے ہی اٹھیں۔

             لیکن پھر بھی دل نا کرے تو اٹھ جائیں لیکن اس کو روز دس منٹ کیلئے لازمی کریں یہ اس لئے کہ اس کام کی کم از کم عادت بنی رہیگی۔ ورنہ اس کام سے آپ کا دل بلکل ہٹ جانے کا ڈر ہے۔ کیونکہ عادت بہت سے کام آپ سے کرالیتی ہے۔

اللہ کس کو زیادہ دیتا ہے

ماں بچے کی تربیت کیسے کرے

متاثر کرنے والا بنیں

یقین دلانا

            کبھی ایسا موقع بھی آتا ہے کہ آپ اپنی بات لوگوں سے کہتے ہیں لیکن کوئی یقین کرنے پر تیار نہیں ہوتا۔ تو اس کیلئے ان کو حوالا دیں جہاں سے آپ نے بات سنی یا پڑھی ہے اس سے آپ کو اپنی بات کا یقین دلانے میں آسانی ہوجائیگی لیکن کبھی اوٹ پٹانگ بات کا یقین دلانے یا ناممکن بات کا یقین دلانے کی غلطی نہ کریں  ۔ اور نہ ہی اپنی بات میں جھوٹ کو شامل کریں اور پھر اسکا یقین دلائیں۔ یہ آپ کو آگے چل کر شرمندہ کردیگا اور آپ کی بات کی اہمیت ختم ہوجائیگی۔

لوگوں سے گفتگو کے وقت ان کا نام لیں

             ہماری نفسیات ہے کہ ہم جیسے ہی اپنا نام سنتے ہیں فورا چوکننے ہوجاتے ہیں۔ اور جس نے ہمارا نام لیا ہوتا ہے اس کو توجہ سے دیکھنا اور سننا شروع کردیتے ہیں۔ یہ حربہ آپ لوگوں میں توجہ اور اہمیت کیلئے بھی استعمال کرسکتے ہیں۔ جیسے آپ کسی سے گفتگو کررہے ہیں تو باتوں کے درمیان میں اس کا نام کبھی کبھار لیں۔ اور بڑا ہے تو بھائی وغیرہ کا اضافہ کردیں اس سے وہ آپ کی بات توجہ سے سنے گا۔ کیونکہ ہمیں اپنا نام سننا اچھا لگتا ہے۔

ہلکا احساس کرائیں

             اگر آپ کسی کو ساتھ لگاکر کوئی کام کررہے ہیں ۔ تو آپ اس کو محسوس نہ ہونے دیں کہ  وہ تھکن یا بوریت کا احساس اپنے آپ میں محسوس کرے۔اس کا بہترین طریقہ اس کے ساتھ باتیں کرنا ہے۔ آپ اس کے ساتھ ہنسی مذاق یا اس کی دلچسپی کا کوئی بھی موضوع لیکر باتیں شروع کردیں۔ اس سے وہ نہ بور ہوگا اور نہ ہی تھکن جلدی محسوس کریگا اور نہ وقت گزرنے کا پتہ چلیگا۔

امید ہے میری یہ چھوٹی سی کاوش آپ کو اچھی لگی ہوگی۔ اگر آپ ایسے مضامین چاہتے ہیں تو ہمارے بلاگ پر سبکرائب کرلیں۔ اس سے یہ ہوگا کہ آپ کو نئے مضامین کے نوٹس ملتے رہینگے اور لائک ، شئر کرنا نہ بھولیں۔

            

   

 

متاثر کرنے والا لیڈر inspirational leader in urdu

متاثر کرنے والا لیڈر   inspirational leader in urdu

business
business

            دوستو اگر آپ کاروبار چلاتے ہیں یا کسی کمپنی میں کسی بڑے عہدے پر ہیں۔ آپ کے ماتحت کافی لوگ ہیں تو آپ کے اندر ایسی متاثر کن خوبیاں ہونی چاہئیں کہ آپ کو ماتحت آپ سے متاثر ہوں ۔  آپ کی بات مانیں اور آپ جیسا بننے کی کوشش کریں۔شاہ صاحب کہتے ہیں کہ اگر آپ کے کریکٹر کی غلطیاں آپ کی ٹیم کو پتہ ہیں تو وہ آپ کو فالو نہیں کرینگے۔ اب اس بات کا کیا مطلب؟ کچھ مشکل سی بات لگتی ہے؟

            دیکھیں اگر آپ جھوٹ بولتے ہیں۔ لیکن جھوٹ کے بارے میں اچھی رائے نہیں رکھتے۔ آپ اپنی ڈیوٹی میں ڈنڈی مارتے ہیں لیکن اسے برا بھی سمجھتے ہیں۔آپ بہت سی غلط چیزیں کرتے ہیں لیکن آپ کو پتہ ہے کہ وہ غلط ہیں۔ لیکن آپ یہ سب غلط دوسروں کیلئے سمجھتے ہیں۔ یاد رکھیں آپ کو اپنے آپ کو بہتر لیڈر بنانا ہے تو اپنے کردار کو بنانا پڑیگا اس کے بغیر یہ خواب پورا نہیں ہوسکتا۔جو سب کیلئے غلط ہے وہ آپ کیلئے بھی غلط ہے۔

             اگر آپ خرابیاں صرف آپ کی ذات تک ہیں تو کسی حد تک گزارے لائق ہے۔ لیکن وہ آپ کی کاروباری صلاحیت یا آپ کے منصب کی ذمہ داریوں پر اثرانداز نہ ہو۔ وہ آپ کے کریکٹر کو داغدار نہ کرے جب آپ اپنی ڈیوٹی پر ہوں تو بلکل صاف ہوں۔ سر جی یہ بہت ضروری ہے اچھا لیڈر بننے کیلئے اور یہ آپ کی شخصیت پر ویسے ہی چار چاند لگادیگی۔ 

زبان

             سر جی زبان کی اہمیت آپ جانتے ہیں۔ یہ آپ کی اچھی ہونی چاہئے۔ اچھے اخلاق سے بات کرنا برداشت کرنا اچھی طرح جواب دینا وغیرہ یہ سب آپ کے کردار کو بنارہے ہوتے ہیں۔اور ایک اچھا لیڈر بننے کی طرف آپ کو لیکر جاتے ہیں۔ا ٓپ کو پتہ ہے کہ جاپان میں کوئی شخص جاب شروع کرنے کے بعد اس کو نہیں چھوڑتا اس کی وجہ ان کے باس کا رویہ بھی ہے۔ جس عزت سے باس اپنے ورکر سے بات کرتے ہیں۔ وہ کم میں گزارہ کرلیتا ہے لیکن کام چھوڑکر نہیں جاتا ۔

اخلاص کے ساتھ کام کرنا

             دیکھیں ایک شخص کے ساتھ آپ اچھا کرتے ہیں۔ تو وہ آپ کے ساتھ ہی ہاتھ کرجاتا ہے۔ تو آپ دکھی ہوتے ہیں یا نہیں ہوتے تو انتقام کا سوچتے ہیں۔ یا اس کی دس آدمی کے سامنے برائی کرتے ہیں۔ یہ اس بات کی نشانی ہے کہ آپ اپنی اچھائی کا صلہ اسی سے چاہتے ہیں اللہ سے نہیں یہ ایمان کی کمزوری بھی ہے۔

             یاد رکھیں کہ آپ کا کسی انسان کے ساتھ بدلہ کی  نیت کے بغیر اچھائی کرنا یہ آپ کی شخصیت کو نکھار دیتا ہے۔ پھر اسکے ساتھ یہ بھی یاد رکھیں کے اللہ اس کام کا بدلہ بھی دیتا ہے آپ کو جسکا کا بدلہ آپ کو اس انسان نے آپ کی اچھائی کے باوجود بھی نہیں دیا ہوتا۔ کیونکہ اللہ جانتا ہے آپ کی نیت تو آپ بنا بدلے کی نیت سے کسی کیلئے کام کرتے ہیں تو یہ ایک مشکل کام بھی ہے اور آپ کی لیڈر شپ کیلئے بھی اچھا ہے۔

اللہ کس کو زیادہ دیتا ہے

تخلیقی شخص مار نہیں کھاتا

اچھی صلاحیت والے یا محنت کرنے والے کی آگے بڑھنے میں مدد کرنا

             ایک اچھا لیڈر یا کوچ نظر رکھتا ہے کہ اس کی ٹیم میں کون کس لیول کا ہے اور اس کو کہاں ہونا چاہئے۔ اور اس کام میں اس کی مدد کرتا ہے۔  وہ دیکھتا ہے کہ اس کو اگر اس کام سے زیادہ اس کام میں لگایا جائے تو اور اچھا رزلٹ ملیگا تو وہ اس کو اور اونچے لیول کے کام میں لگادیتا ہے۔

             اب ایک وہ شخص جو کسی کو اپنے سے آگے بڑھتے نہیں دیکھ سکتا وہ اس کو جانتے بوجھتے اسی کام میں رگڑتا رہتا ہے۔ جو ایک اچھے لیڈر کی نشانی نہیں ہے۔  

جناب یہ کچھ باتیں تھیں جو کہنی تھیں اگر اچھی اور کام کی لگیں تو لائک کردیجئے گا۔ اور شئر بھی کردیں تو مہربانی اور میری مدد بھی ہوجائیگی ۔ والسلام